05.09.2025

CapVest-ը Bain Capital-ից և Cinven-ից ձեռք է բերում STADA-ի բաժնետոմսերի մեծամասնությունը

Սույն տեքստը հանդիսանում է մամուլի հաղորդագրությունCapVest to acquire majority stake in STADA | STADA, որը տեղադրված www.stada.com կայքում։ Անգլերեն տեքստը համարվում հիմնական տեսքտը։

·         CapVest-ը վերջնական համաձայնագիր է ստորագրել STADA-ի բաժնետոմսերի մեծամասնությունը Bain Capital-ից և Cinven-ից ձեռք բերելու վերաբերյալ:

·         Bain Capital-ը և Cinven-ը կպահպանեն ընկերության բաժնետոմսերի տիրապետումը՝ միաժամանակ մնալով STADA-ի փոքրամասնության բաժնետերերը:

·         STADA-ի գլխավոր տնօրեն Պիտեր Գոլդշմիդտը մեկնաբանել է. «CapVest-ի կողմից ղեկավարության հետ սերտ համագործակցության վրա կենտրոնացումը, իր պորտֆելի չափի և մասշտաբի վերափոխումը՝ նշանակալի ներդրումների, օրգանական աճի, միաձուլումների և կլանումների միջոցով աճի, գործառնական գերազանցության և երկարաժամկետ արժեքի ստեղծման միջոցով, արտացոլում են նույն սկզբունքները, որոնք հիմք են հանդիսանում STADA-ի հաջողության համար»։

Բադ Վիլբլ, Գերմանիա և Լոնդոն, Մեծ Բրիտանիա, 2025 թվականի սեպտեմբերի 1, CapVest Partners LLP («CapVest») առաջատար համաշխարհային ներդրումային ընկերությունն այսօր հայտարարեց, որ Bain Capital-ի և Cinven-ի հետ ստորագրել է վերջնական համաձայնագիր՝ STADA Arzneimittel AG-ի («STADA» կամ «Ընկերություն») բաժնետոմսերի մեծամասնությունը ձեռք բերելու համար։ STADA-ն հանդիսանում էառաջատար միջազգային ընկերություն, որը մասնագիտացած է սպառողների առողջապահության ոլորտի արտադրանքի, մասնագիտացված դեղամիջոցների և ջեներիկների արտադրության մեջ:

STADA Arzneimittel AG-ի գլխամասային գրասենյակը գտնվում է Գերմանիայի Բադ Վիլբլ քաղաքում: STADA-ն կենտրոնանում է երեք ռազմավարական ոլորտների վրա՝ սպառողական առողջապահություն, ջեներիկներ և մասնագիտացված արտադրանք: Ընկերությունը ձեռք է բերվել Bain Capital-ի և Cinven-ի կողմից 2017 թվականին։ Այս ներդրումային ֆոնդերի աջակցությամբ STADA-ն ավանդական գերմանական ջեներիկների ընկերությունից վերափոխվել է առաջատար համաշխարհային առողջապահական հարթակի՝ սպառողական առողջապահության, ջեներիկների և մասնագիտացված արտադրանքի վրա հստակ ռազմավարական կենտրոնացմամբ։ Այս ժամանակահատվածում ընկերությունը հասել է զգալի հաջողությունների՝ դառնալով բազմաֆունկցիոնալ և կայուն բիզնես՝ ավելի քան 4 միլիարդ եվրո եկամուտներով, զուտ վաճառքի տարեկան 9% ընդհանուր աճի տեմպով և 2017 թվականից ի վեր ավելի քան կրկնապատկված EBITDA-ով։ Այսօր STADA-ում ամբողջ աշխարհի մակարդակով աշխատաում է մոտ 11,600 մարդ։

Որպես առաջատար միջազգային մասնավոր ներդրումային ֆոնդերից մեկը՝ առողջապահության ոլորտում ներդրումների ավելի քան 20 տարվա փորձով, CapVest-ը STADA-ին է բերում ոլորտի խորը փորձագիտություն։ Ընկերությունը մասնագիտանում է անհրաժեշտ ապրանքներ և ծառայություններ մատակարարող հավակնոտ բիզնեսների հետ համագործակցության մեջ: CapVest-ը կօգնի STADA-ին հասնել աճի հաջորդ փուլին:

Գործարքի պայմանները չեն բացահայտվում, և գործարքի ավարտը կախված է կարգավորող մարմինների հաստատումներից և այլ ստանդարտ պայմանների կատարումից։ Գործարքի փակումը սպասվում է 2026 թվականի սկզբին։

Մաթյու Ֆարջիի մեկնաբանությունը (CapVest)՝

Մենք վաղուց հիանում ենք STADA-ով, նրա հարուստ պատմությամբ, առաջատար ապրանքատեսակներով և մարդկանց առողջության մասին հոգ տանելու վրա հիմնված կորպորատիվ մշակույթով։ Պիտեր Գոլդշմիդտը և STADA-ի ողջ թիմը գրանցեցին բացառիկ արդյունքներ։ STADA-ն հանդիսանում է եզակի ռազմավարական հարթակ, և մենք մտադիր ենք օգտագործել մեր նշանակալի փորձը առողջապահության և սպառողական ապրանքների ոլորտներում ընկերության աճը արագացնելու համար, ինչպես մեր ներքին շուկայում՝ Գերմանիայում, այնպես էլ միջազգային շուկաներում։ Մենք պլանավորում ենք զգալի ներդրումներ կատարել ընկերության զարգացման մեջ և անհամբեր սպասում ենք Պիտեր Գոլդշմիդտի և նրա թիմի հետ համագործակցությանը STADA-ի զարգացման նոր փուլում։

Պիտեր Գոլդշմիդտի (STADA-ի գլխավոր գործադիր տնօրեն (СЕО)) մեկնաբանությունը՝

«CapVest-ի կողմից ղեկավարության հետ սերտ համագործակցության, ընկերությունների պորտֆելի դիվերսիֆիկացման, միաձուլումների և կլանումների միջոցով աճի ապահովման, գործառնական գերազանցության և երկարաժամկետ արժեքի ստեղծման վրա կենտրոնացումը հստակորեն արտացոլում է նույն սկզբունքները, որոնք մինչ օրս նպաստել են STADA-ի հաջողությանը»։ Առողջապահության և դեղագործական շուկաների խորը ըմբռնմամբ՝ CapVest-ը հանդիսանում է իդեալական նոր գործընկեր մեր ոլորտում առկա բազմաթիվ հնարավորություններից օգտվելու և ընկերության հավակնոտ նպատակներին հասնելու համար։ Bain Capital-ը և Cinven-ը հիանալի գործընկերներ են եղել STADA-ն սպառողական առողջապահության, ջեներիկների և մասնագիտացված արտադրանքի համաշխարհային առաջատարի վերածելու ճանապարհին։ Նրանց աջակցությունն ու մեր ռազմավարության նկատմամբ հավատը մեզ հնարավորություն են տվել արագացնել աճը, նորարարություններ կատարել և ընդլայնել մեր միջազգային ներկայությունը»։

CapVest-ի առաջատար ֆինանսական խորհրդատուները՝ Canson Capital Partners և Centerview Partners։

STADA Arzneimittel AG-ի մասին

STADA-ի գլխամասային գրասենյակը գտնվում է Գերմանիայի Բադ Վիլբլ քաղաքում։ Ընկերությունն իրականացնում է ռազմավարություն, որը հիմնված է երեք հիմնական ոլորտների վրա՝ սպառողական առողջապահության ապրանքներ, ջեներիկ դեղեր և մասնագիտացված դեղամիջոցներ։ STADA-ի արտադրանքը հասանելի է աշխարհի ավելի քան 100 երկրներում։ 2024 ֆինանսական տարում STADA-ն գրանցել է 4.059 միլիարդ եվրոյի խմբային եկամուտ և 886 միլիոն եվրոյի ճշգրտված EBITDA (հաստատուն արժույթներով): 2024 թվականի դեկտեմբերի 31-ի դրությամբ ընկերությունում աշխատել են ամբողջ աշխարհի մակարդակով 11,649 աշխատող։

CapVest-ի մասին

CapVest-ն իրենից ներկայցանում առաջատար միջազգային մասնավոր ներդրումային հիմնադրամ, որը մասնագիտացված է առաջին անհրաժեշտության ապրանքներ և ծառայություններ մատուցող ընկերությունների վերափոխման մեջ։ Հիմնվելով ներդրումների կառավարման ակտիվ և երկարաժամկետ մոտեցման սկզբունքների վրա՝ CapVest-ը ապացուցել է իրեն որպես հաջողակ գործընկեր իր պորտֆելի ընկերությունների բիզնեսի մասշտաբավորման գործում՝ ապահովելով աճ ինչպես օրգանական զարգացման հաշվին, այնպես էլ միաձուլումների և կլանումների գործարքների հաշվին։ CapVest-ի հիմնական ուշադրության կենտրոնում են այն ոլորտները, որոնք ապահովում են ապրանքների և ծառայությունների կայուն պահանջարկ, ինչպիսիք են առողջապահությունը, զանգվածային սպառման ապրանքները և առաջին անհրաժեշտության ծառայությունները։

Կոնտակտային տվյալներ մեդիայի համար՝

CapVest

Բեն Վալդիմարսոն – Reputation Inc

Հեռախոս՝ +44 (0) 7889 805 930

E-mail՝ bvaldimarsson@reputation-inc.com

STADA – տեղեկատվություն լրագրողների համար

STADA Arzneimittel AG - Media Relations

Stadastrasse 2-18, 61118 Bad Vilbel, Գերմանիա

Հեռախոս՝ +49 (0) 6101 603-165

E-mail՝ press@stada.de

STADA – տեղեկատվություն ֆինանսական շուկայի մասնակիցների համար

STADA Arzneimittel AG - Investor & Creditor Relations

Stadastrasse 2-18, 61118 Bad Vilbel, Գերմանիա

Հեռախոս՝ +49 (0) 6101 603-4689

Ֆաքս՝ +49 (0) 6101 603-215

E-mail՝ ir@stada.de