21.04.2026

ՇՏԱԴԱ ԱՐՄԵՆԻԱ—ի թիմը միացել է Երևանում անցկացված լայնածավալ համաքաղաքային շաբաթօրյակին Հրազդանի կիրճում

Երևան, Հայաստան — Ապրիլի 18-ին ՇՏԱԴԱ ԱՐՄԵՆԻԱ-ի թիմը մասնակցեց համաքաղաքային լայնածավալ էկոլոգիական ակցիա-շաբաթօրյակին: Միջոցառումը կազմակերպվել էր Երևանի քաղաքապետարանի կողմից՝ «Green Green» էկոլոգիական հասարակական կազմակերպության հետ համատեղ և Ասիական զարգացման բանկի աջակցությամբ։ Ակցիան ուղղված էր Հրազդանի կիրճի մաքրմանը և նվիրված էր Երկրի օրվան:

«Այս նախաձեռնությունը միայն մաքրման աշխատանք չէ: Մենք կարևորում ենք նաև թափոնների տեսակավորումը՝ կրճատելով աղբավայրեր ուղարկվող աղբի ծավալը և նպաստելով շրջակա միջավայրի պաշտպանությանը»,- նշված է քաղաքապետարանի հաղորդագրության մեջ:

Ըստ «Green Green» կազմակերպության՝ միջոցառման շրջանակում նախատեսված էին նաև էկոլոգիական մրցույթներ, Հրազդանի կիրճի և Երևանյան լճի բարեկարգման ծրագրի շրջանակում մշակված հայեցակարգերի և լուծումների ներկայացում, վերամշակված նյութերից պատրաստված արտ-օբյեկտների ցուցահանդես և այլն:

«Մեզ համար էկոլոգիական օրակարգի հզորացմանն ուղղված նախաձեռնությունները ոչ միայն տարածաշրջանի ու երկրի հանդեպ մեր հավատարմությունն ընդգծելու առիթ են, այլև միջոց՝ վերահաստատելու մեր նպատակը՝ «Հոգալ մարդկանց առողջության մասին՝ որպես վստահելի գործընկեր»: 

Մեր աշխատակիցների կողմից հավաքվել է ավելի քան 40 պարկ թափոն, ինչն անխոս վկայում է մարդկանց ներգրավվածության և առողջ էկոհամակարգի ձևավորման գործում ազդեցություն ունենալու ցանկության մասին: 

Իսկ երբ կորպորացիաներն ու պետական մարմինները միավորում են ջանքերը, մենք տեսնում ենք «ընդհանուր պատասխանատվության» իրական ուժը գործնականում՝ ամրապնդելով հանրային վստահությունը և նպաստելով երկարաժամկետ փոփոխություններին», - նշել է ՇՏԱԴԱ ԵՎՐԱՍԻԱ-ի կազմի մեջ մտնող ԳԱՄ կլաստերի (Վրաստան, Հայաստան, Մոլդովա) ղեկավար Արմեն Հակոբյանը:

«Ընկերության մամուլի ծառայությունից հայտնեցին նաև, որ շուրջ 130 տարի ՇՏԱԴԱ-ն պատասխանատվություն է կրում իր աշխատակիցների, հասարակության և շրջակա միջավայրի համար: ՇՏԱԴԱ-ի 2024 թվականի Կայուն զարգացման հաշվետվությունն արտացոլում է տեղեկատվություն կայուն զարգացման մոտեցումների, ESG (բնապահպանական, սոցիալական և կորպորատիվ կառավարման) ոլորտում ստանձնած պարտավորությունների և գրանցված առաջընթացի վերաբերյալ: Հաշվետվության կառուցվածքն ընդգրկում է ESG-ի հիմնական տարրերը՝ տրամադրելով համապարփակ ակնարկ այն մասին, թե ինչպես ենք մենք ներդնում կայուն գործելակերպերը մեր գործունեության բոլոր ասպեկտներում ամբողջ աշխարհում»:

STADA ընկերության մասին

STADA Arzneimittel AG-ն, որի կենտրոնական գրասենյակը գտնվում է Գերմանիայի Բադ Վիլբել քաղաքում, իրականացնում է ռազմավարություն՝ հիմնված երեք հիմնական ուղղությունների վրա. Consumer Healthcare (առողջապահական ապրանքներ սպառողների համար), ջեներիկներ և մասնագիտացված դեղագործական պատրաստուկներ: Ընկերության արտադրանքը վաճառվում է աշխարհի ավելի քան 100 երկրում:

2025 ֆինանսական տարում STADA-ն գրանցել է խմբի 4,3 միլիարդ եվրոյի չափով ճշգրտված հասույթ և 961 միլիոն եվրոյի չափով ճշգրտված շահույթ՝ նախքան տոկոսների, հարկերի վճարումը, մաշվածության և ամորտիզացիայի հաշվարկումը հաստատուն արժույթով (adj. cc EBITDA): 2025 թվականի դեկտեմբերի 31-ի դրությամբ ընկերությունն ամբողջ աշխարհում ուներ 11,749 աշխատակից:

ԶԼՄ-ների հարցումների համար՝ press@stada.kz