• Խմբի ճշգրտված հասույթն աճել է 6%-ով՝ հասնելով 4,3 միլիարդ եվրոյի, ընդ որում 2025 թվականին աճ են գրանցել բոլոր երեք սեգմենտները՝ մասնագիտացված դեղամիջոցները, սպառողական առողջապահությունը և ջեներիկները. հաստատուն արժույթով ճշգրտված EBITDA ցուցանիշն աճել է 8%-ով՝ հասնելով 961 միլիոն եվրոյի։

• 2025 թվականին STADA ընկերության մասնագիտացված դեղամիջոցների սեգմենտի հասույթն առաջին անգամ գերազանցել է 1 միլիարդ եվրոն՝ գրանցելով 17% աճ՝ բիոսիմիլյարների և նորարարական դեղամիջոցների հաշվին։

• STADA-ի գլխավոր տնօրեն (CEO) Պետեր Գոլդշմիդտ. «Մեր բոլոր տարածաշրջանները՝ Արևմտյան Եվրոպան, Կենտրոնական և Արևելյան Եվրոպան, Գերմանիան, ինչպես նաև Մերձավոր Արևելքն ու Ասիան, զգալի ավանդ են ներդրել մեր աճի մեջ: Ոլորտի տեմպերից առաջ անցնող աճի հիմնական շարժիչ ուժը դարձան մեր բոլոր երեք սեգմենտներում իրականացված մի շարք հաջող մեկնարկները: Բացի այդ, միայն 2025 թվականին մենք լիցենզավորել ենք 110 նոր արտադրատեսակ՝ ապահովելով մշակումների էլ ավելի հզոր պորտֆել հետագա հաջողությունների համար»:

Բադ-Ֆիլբել, Գերմանիա – 18 մարտի 2026 թ. – 2025 թվականին STADA-ն կրկին ցուցադրել է իր եռասեգմենտ ռազմավարության հաջողությունը, որը թույլ է տալիս պացիենտներին և բուժաշխատողներին ապահովել դեղամիջոցների և առողջապահական արտադրանքի լայն տեսականիով սպառողական առողջապահության, ջեներիկների և մասնագիտացված դեղամիջոցների սեգմենտներում՝ ներառյալ նորարարական պատրաստուկները:

Խմբի հաստատուն արժույթով ճշգրտված հասույթը (adj. cc) աճել է 6%-ով՝ հասնելով 4,3 միլիարդ եվրոյի՝ 2025 թ. դեկտեմբերի 31-ին ավարտված ֆինանսական տարվա արդյունքներով: Խմբի EBITDA ցուցանիշը նախքան տոկոսների, հարկերի և ամորտիզացիայի վճարումը՝ ճշգրտված միանվագ հոդվածների մասով և արժույթի հաստատուն փոխարժեքով, աճել է 8%-ով՝ հասնելով 961 միլիոն եվրոյի:

«Մեր բոլոր տարածաշրջանները՝ Արևմտյան Եվրոպան, Կենտրոնական և Արևելյան Եվրոպան, Գերմանիան, ինչպես նաև Մերձավոր Արևելքն ու Ասիան, զգալի ավանդ են ներդրել մեր աճի մեջ: Ոլորտի տեմպերից առաջ անցնող աճի հիմնական շարժիչ ուժը դարձան մեր բոլոր երեք սեգմենտներում իրականացված մի շարք հաջող մեկնարկները: Բացի այդ, միայն 2025 թվականին մենք լիցենզավորել ենք 110 նոր արտադրատեսակ՝ ապահովելով մշակումների էլ ավելի հզոր պորտֆել հաջողակ ապագայի համար» , – մեկնաբանել է STADA-ի գլխավոր տնօրեն (CEO) Պետեր Գոլդշմիդտը:

Բիոսիմիլյարներիևնորարարականդեղամիջոցներիոլորտումաճըթույլտվեցմասնագիտացվածդեղամիջոցներիսեգմենտինհաղթահարել 1 միլիարդեվրոյիսահմանագիծը:

Specialty սեգմենտի հասույթն աճել է 17%-ով՝ հաստատուն արժույթով ճշգրտված հիմքի վրա, և ներկայումս կազմում է Խմբի համախառն հասույթի գրեթե քառորդ մասը:

Այսպիսով, սեգմենտը պահպանել է վերջին տարիների երկնիշ աճի տեմպերի հետագիծը:

Հենվելով ողջ Եվրոպայում և Չինաստանում մշակողների հետ ստուգված գործընկերությունների վրա՝ համակցված բոլոր եվրոպական երկրներում առկա ուժեղ մարքեթինգային և իրացման հարթակի հետ, բիոսիմիլյարների վաճառքները ցուցադրել են երկնիշ աճի տեմպեր: Առանցքային շարժիչ ուժերը (դրայվերները) դարձան Uzpruvo-ի (ustekinumab) շարունակական աճը, որն առաջատար դիրքեր է զբաղեցրել ավելի քան 20 շուկաներում, որտեղ ներկայացված է եղել այս բրենդը, ինչպես նաև բիոսիմիլյարների գոյություն ունեցող պորտֆելի հետագա աճը թերապևտիկ ոլորտների լայն շրջանակում, ներառյալ՝ ոսկրային հյուսվածքի առողջությունը, իմունոլոգիան և ուռուցքաբանությունը:

2026 թվականին նախատեսված է բիոսիմիլյարների հինգ մեկնարկ, այդ թվում՝ golimumab և tocilizumab, քանի որ STADA-ն ամրապնդում է իր դիրքերը՝ որպես եվրոպական բիոսիմիլյարների շուկայի առաջատարներից մեկը՝ 11 հաստատված արտադրատեսակ ներառող լայն պորտֆելով, ինչպես նաև աշխարհագրական ներկայությամբ և պացիենտների ընդգրկվածությամբ Եվրոպայում, որոնց քիչ թվով մրցակիցներ կարող են համապատասխանել:

Նորարարական դեղամիջոցները նույնպես առաջընթաց են գրանցել՝ ընդլայնելով պացիենտների հասանելիությունը նեֆրոլոգիայի և նյարդաբանության ոլորտներում ծանր վիճակների բուժման իրենց դասի լավագույն մեթոդներին:

Kinpeygo-ի բարձր երկնիշ աճի տեմպերը պայմանավորված էին ցուցումների հաջող ընդլայնմամբ, ինչը թույլ տվեց դեղամիջոցն օգտագործել երիկամների հազվադեպ հանդիպող IgAN հիվանդություն ունեցող պացիենտների ավելի լայն խմբի համար: Եվրոպական 19 երկրներում մեկնարկներից հետո Kinpeygo-ի ներդրումն էլ ավելի արագացավ KDIGO-ի կլինիկական ուղեցույցներում ընդգրկվելու, ինչպես նաև կլինիկական կիրառման անվտանգության և արդյունավետության վերաբերյալ տվյալների շնորհիվ: Լրացուցիչ շուկաներում մեկնարկները նախատեսված են 2026 թվականին և հաջորդող տարիներին:

Նյարդաբանության ոլորտում Lecigon-ի՝ աղիքային ներմուծման համար նախատեսված ինֆուզիոն պոմպի մեկնարկը լրացուցիչ երկրներում, ներառյալ Ֆրանսիան և Միացյալ Թագավորությունը, ընդլայնել է հասանելիությունը Պարկինսոնի հիվանդության ուշ փուլերում գտնվող մարդկանց համար: Եվրոպայում հասնելով լայն հաջողությունների apomorphine լուծույթով, որն օգտագործվում է ենթամաշկային ինֆուզիոն սարքում միջին և ծանր աստիճանի պարկինսոնիզմով հիվանդների բուժման համար, STADA-ն այս թերապիան դուրս է բերել ԱՄՆ-ի մեծածավալ շուկա ONAPGO բրենդի ներքո՝ իր գործընկեր Supernus-ի հետ համատեղ: Բացի այդ, 2025 թվականին STADA-ն ընդլայնել է Specialty սեգմենտի ուռուցքաբանական պորտֆելը՝ nilotinib-ի և paclitaxel albumin-ի մեկնարկի շնորհիվ:

Rivaroxaban-ը՝ շուկայի տեմպերից առաջ անցնող աճի դրայվերը ջեներիկների սեգմենտում

2025 թվականին ջեներիկների սեգմենտի հասույթն աճել է 5%-ով (adj. cc), ընդ որում սեգմենտը շարունակել է առաջ անցնել Եվրոպայի շուկայի տեմպերից: Ջեներիկների աճը մեծապես ապահովվել է rivaroxaban-ի հաջող մեկնարկով, որն իրականացվել է մտավոր սեփականության ոլորտում ամուր դիրքերի շնորհիվ: Շուկա դուրս բերված հաջող պատրաստուկները և կոմերցիոն սիներգիաներն ամրապնդել են STADA-ի դիրքերը ջեներիկների մանրածախ շուկայի առաջատար երեք ընկերությունների շարքում այնպիսի երկրներում, ինչպիսիք են Գերմանիան, Իտալիան, Իսպանիան, Բելգիան, Իռլանդիան, Հյուսիսային Եվրոպայի երկրները, Սերբիան և Շվեյցարիան:

Generics սեգմենտի արդյունքների մեջ լրացուցիչ ավանդ են ներդրել սիրտ-անոթային դեղամիջոցները, մասնավորապես՝ apixaban-ը, dabigatran-ը և ticagrelor-ը, ինչպես նաև մի շարք ստատիններ: STADA-ն նաև շահել է տեղական ջեներիկների պորտֆելների բացերը լրացնելու հաշվին. օրինակ՝ Բելգիայում enoxaparin-ի և Միացյալ Թագավորությունում Proxor (beclomethasone/formoterol) ինհալյատորի մեկնարկի շնորհիվ:

Սպառողականառողջապահությանսեգմենտնաճումէտեղականառաջատարբրենդներիհաշվին՝չնայածմրսածությանևգրիպիմեղմսեզոնին

Չնայած հիմնական շուկաներում մրսածության և գրիպի համեմատաբար ցածր հիվանդացությանը՝ սպառողական առողջապահության սեգմենտը 2025 թվականին լավ արդյունքներ է գրանցել՝ արձանագրելով հասույթի 2% աճ (adj. cc): Մրսածության և գրիպի դեմ միջոցների կատեգորիայից դուրս STADA-ն ապահովել է mid-single-digit (միջին միանիշ թվով) աճ՝ շնորհիվ ոլորտի համար ռեկորդային թվով բրենդների կայուն ուժեղ արդյունքների, որոնք զբաղեցնում են ազգային վարկանիշային աղյուսակների վերին հորիզոնականները տարբեր կատեգորիաներում, ինչպիսիք են՝ Nizoral-ը, Levomecol-ը և Cetraben-ը՝ մաշկաբանության մեջ, Elotrans-ը և Protectis-ը՝ գաստրոէնտերոլոգիայում, ինչպես նաև Eunova-ն, Walmark-ը և Natures Aid-ը՝ վիտամինների, հանքանյութերի և նուտրիցևտիկների կատեգորիայում: Սեգմենտը շարունակել է առաջընթացը մի շարք նշանակալի մեկնարկների և արտադրատեսակների շարքերի ընդլայնման հաշվին, ներառյալ Nizoral բրենդի ներքո գլխամաշկի խնամքի միջոցների ընդլայնումը, այդ թվում՝ Nizoral Care Conditioner-ի և Nizoral Cream-ի շնորհիվ: Միացյալ Թագավորությունում STADA-ի առաջատար բրենդը՝ Zoflora-ն, շահել է տան հիգիենայի և ախտահանիչ միջոցների սեգմենտներում տեսականու ընդլայնումից:

Արտացոլելով և կանխատեսելով սպառողական միտումները՝ STADA-ն 2022-ից 2025 թվականների ընթացքում գրեթե կրկնապատկել է eCommerce-ի վաճառքների ծավալը՝ Խմբի մեդիա բյուջեների ավելի քան կեսն ուղղելով թվային ուղիներին: Ընկերությունը շարունակում է արագացնել eCommerce-ի աճը՝ ընդլայնելով աշխարհագրական ներկայությունը և կիրառելով բազմուղի մոտեցում սպառողների հետ փոխգործակցության համար Google, TikTok և Instagram հարթակներում, ինչպես նաև նպատակային կերպով օգտագործելով արհեստական բանականության (ԱԲ) տեխնոլոգիաների հնարավորությունները:

Ձեռքբերմանպոտենցիալգործարքներիգնահատումողջաշխարհում

«Սպառողական առողջապահության ոլորտում բիզնեսի հետագա ընդլայնման նպատակով, — նշել է Գոլդշմիդտը, — մենք ակտիվորեն գնահատում ենք ձեռքբերման պոտենցիալ օբյեկտները ողջ աշխարհում՝ CHC ոլորտում մեր լայն հարթակն էլ ավելի հզորացնելու համար՝ լրացնելով մշակումների մեր սեփական հզոր պորտֆելը: Միևնույն ժամանակ մենք շարունակում ենք օգտագործել բրենդների պորտֆելն ընդլայնելու հնարավորությունները առավել դինամիկ աճող կատեգորիաներում, ինչպիսիք են՝ մաշկաբանությունը, կանխարգելիչ առողջությունը և wellness-ը»:

Մշակումներիապագապորտֆելիհետևողականձևավորում

«Ուռուցքաբանության ոլորտում մեր մշակումների փուլը (pipeline) ունի բարձր պոտենցիալ և ներառում է այնպիսի մոլեկուլներ, ինչպիսիք են enzalutamide-ը և ruxolitinib-ը, իսկ սիրտ-անոթային դեղամիջոցների կատեգորիայում մենք լրացնում ենք rivaroxaban-ի ընթացիկ մեկնարկը apixaban և edoxaban պատրաստուկներով»։

«Բիոսիմիլյարների ոլորտում մեր գործընկերություններն ապահովում են շուտափույթ մուտք համեմատաբար ցածր մրցակցություն ունեցող շուկաներ, ինչպիսիք են golimumab-ը և tocilizumab-ը՝ ի լրումն 2025 թվականի վերջին Եվրոպայում denosumab-ի մեկնարկի, — շարունակել է Գոլդշմիդտը: — 2025 թվականին կնքված բիզնեսի զարգացման և լիցենզավորման (BD&L) 110 գործարքների, ինչպես նաև մշակումների և լիցենզավորման ոլորտում մեր գործընկերությունների ընդարձակ ցանցի շնորհիվ մենք ձևավորել ենք նախագծերի բարձր պոտենցիալ ունեցող պորտֆել գալիք շատ տարիների համար»:

«Մենք լիովին պատրաստ ենք՝ շնորհիվ մշակումների լավ համալրված պորտֆելի և ռազմավարության, որն ուղղված է շաքարային դիաբետի և ավելորդ քաշի բուժման համար նախատեսված GLP-1 դեղամիջոցների էքսկլյուզիվության ժամկետների ավարտի հետ կապված հնարավորությունների օգտագործմանը այնպիսի բլոկբաստերների մասով, ինչպիսիք են semaglutide-ի հիմքով Ozempic և Wegovy բրենդները, ինչպես նաև liragutide-ի հիմքով Saxenda-ն և Victoza-ն: Բացի այդ, SGLT-2 ինհիբիտոր empagliflozin-ը մեր պորտֆելի առանցքային ակտիվն է շաքարային դիաբետի թերապիայում»:

Կորպորատիվմշակույթըսահմանումէարդյունավետությունը

Նշելով STADA-ին վերջերս «TOP Employer Europe» կարգավիճակի կրկնակի շնորհումը, Ղազախստանում արդեն երկրորդ տարին անընդմեջ «TOP Employer» սերտիֆիկացման ստացումը, ինչպես նաև այն փաստը, որ աշխատակիցների վերջին հարցմանը մասնակցել է աշխատողների 88%-ը, ընդ որում հինգից չորսը հպարտանում են STADA-ում իրենց աշխատանքով՝ զգալիորեն գերազանցելով միջին ոլորտային ցուցանիշները, Գոլդշմիդտը ամփոփել է. «Բացի օպերացիոն գործունեությունից և մեր մշակումների պորտֆելի հնարավորություններից, այն, ինչ թույլ է տալիս STADA-ին կայուն կերպով առաջ անցնել շուկայից, մեր եզակի «One STADA» ոգին և աճի մշակույթն է: Մեր շուրջ 12 000 աշխատակիցների բացառիկ ներգրավվածությունը ողջ աշխարհում, որոնց ավելի քան կեսն աշխատում է մեր արտադրական հարթակներում՝ ապահովելով դեղամիջոցների հուսալի մատակարարումը պացիենտներին, հանդիսանում է մեր աճի կայուն ուղու և «Հոգալ մարդկանց առողջության մասին՝ որպես հուսալի գործընկեր» մեր առաքելությանը հավատարմության հիմքը»:

STADA Arzneimittel AG ընկերության մասին

STADA Arzneimittel AG-ի կենտրոնակայանը գտնվում է Գերմանիայի Բադ-Ֆիլբել քաղաքում: Ընկերությունն իրականացնում է ռազմավարություն՝ հիմնված երեք հիմնական ուղղությունների վրա. սպառողական առողջապահական ապրանքներ (consumer healthcare products), ջեներիկ դեղամիջոցներ (generics) և մասնագիտացված դեղագործություն (specialty pharma): STADA Arzneimittel AG-ն իր արտադրանքն իրացնում է աշխարհի ավելի քան 100 երկրներում: 2025 ֆինանսական տարում STADA-ն հասել է Խմբի վաճառքի 4,296 միլիոն եվրո ծավալի և հաստատուն արժույթով ճշգրտված EBITDA (adj. cc EBITDA) ցուցանիշի՝ 961 միլիոն եվրոյի չափով: 2025 թ. դեկտեմբերի 31-ի դրությամբ STADA-ի աշխատակիցների թիվն ամբողջ աշխարհում կազմել է 11,749 մարդ:

STADA-ն շարունակում է կայուն աճ ցույց տալ 2025 թվականի արդյունքներով